Via unua tago en Kantr

(Ĉefpaĝo)

Notu: ^[en] post ligilo indikas, ke ligas al anglalingva paĝo.

Multaj ludantoj rapide malkuraĝiĝas ludante Kantron unuafoje, pro ĝia ne malgrava malfacileco de lernado, kaj eble pro ke la unuaj kelkaj tagoj povas esti iomete malagrablaj por ilia rolulo!. Tiu teksteto helpos vin dum tempo.

Atingante viajn rolulojn

Post akcepto de via konto, kaj kiam vi ensalutas unuafoje, vi vidos liston de viajn rolulojn sur la ludantopaĝo^[en].

Vi povas atingi vian rolulon, alklakante la ridetan vizaĝon antaŭ lia aŭ ŝia nomo:

http://www.cantr.net/graphics/cantr/pictures/button_small_char_happy.gif

Tio alportos vi al la okazaĵopaĝo^[en], kie vi vidos tion, kio okazis ekde vi enkarniĝis en tiu urbo aŭ vilaĝo.

Homoj kaj okazintaĵoj

Kiam vi unuafoje ensalutas, la okazaĵopaĝo de via rolulo plejeble estos plejparte malplena. Je la unua tago, la okazaĵopaĝo ofte estas tre enuiga. Laŭ la popolnombro kaj la nivelo de vigleco de la urbo, unu aŭ du tagoj povus pasi antaŭ ol iu interesa okazos. Legante tiun okazaĵopaĝon esta la plej bona metodo kompreni kaj la bazan funkciadon de la ludo, kaj la homoj kaj agadoj de la urbo.

Vi eble vidos tekstojn kiel "Vi vidas viron ĉirkaŭ dudekjaraĝa, kiu parolas al ĉirkaŭ tridekjaraĝa virino." Vi ne povas aŭdi ilin, ĉar ilia interparolo estas privata. Ankaŭ, vi ne scias multon pri ili, krom ilia sekso kaj proksimuman aĝo. Sed se vi alklakas la malgrandan priskribon ("viro ĉirkau dudekjaraĝa"), aperiĝos la rolulo-priskriba paĝo kie vi povas vidi variajn informojn pri tiu rolulo, kelkajn butonoj por interagi kun ili, kaj la nomado-tekstujon.

Rimarku, ke neniu homo ĉe tiu loko (vi povas vidi liston alklante la ligilon Homoj^[en]) estas artefarita rolulo; ĉiun el ili rolas vera ludanto, same kiel vi rolas vian rolulon.

Nomante homojn

Fakte, vi povus enskribi ion ajn por la nomo de la rolulo, ĉar tiu nur ŝanĝas kiel la nomo montriĝas en la okazaĵopaĝo kaj la homolisto. Tamen, ĝenerale homoj atendas ĝis la rolulo prezentas sin, kaj poste ili kopias/gluas ilian nomon en la nomado-tekstujon. Simile, aliuloj ne scias kiel nomi vin ĝis vi prezentas vin. Pro tio, ĝenerale oni aprezus, ke via rolulo menciu sian nomon je la unua tago, ĉar ĝis tiam, aliuloj vidos vin kiel 'vir(in)on ĉirkaŭ dudekjaraĝan'.

Parolante kun aliuloj

Bonega komenco estas ke via rolulo diru sian nomon kaj ke li aŭ ŝi ĵus alvenis. Uzu la malgrandan tekstujon, super la okazaĵolisto, entajpu la vortojn de via rolulo, kaj alklaku la butonon 'Parolu al ĉiuj'. Ĉiuj homoj ĉe la sama loko nun povas legi kion via rolulo ĵus diris, kiam ili ensalutas (plejeble ne tuje, ĉar ludantoj ne ofte estas enretaj samtempe). La sekvantan fojon, kiam vi kontrolas la okazaĵoliston, vi plejeble vidos ian respondon.

Se vi volas paroli al iu certa, vi povas alklaki lian nomon (aŭ la mallongan priskribon se vi ne jam nomis lin) kaj alklaki la parolvezikan ikonon. Tiumaniere aperiĝos formularo en kiu vi povas skribi vian mesaĝon. Tiun agadon oni ofte nomas flustrado, ĉar neniu, krom tiu al kiu vi parolas, povas aŭdi kion vi diras, kaj longajn privatajn konverscionojn oni ofte konsideras malĝentilaj, aŭ eĉ suspektindaj. Do, krom se vi estas en homplena loko, aŭ vi priparolas privatajn aferojn, ofte estas pli bone nur uzi "Parolu al ĉiuj" kaj adresi al via celo laŭnome.

• Ĉiam restu enrola

  Kiam via rolulo parolas, memoru ke vi ĉiam skribas laŭ la vidpunkto de via rolulo^[en] - ne estas vi (la ludanto) kiu parolas, sed via rolulo. Ne referencu al la forluda mondo kiam via rolulo parolas. Via rolulo scias nur pri aferojn, kiujn li aŭ ŝi rekte kaj persone renkontis en Kantr. Tial paroloj kiel "Ĉu iu estas enreta?" aŭ "Kiel oni ludas tiun ludon?" estas severe evitendaj aŭ klare markita de la signoj OOC^[en] se vi absolute devas diri tion. (OOC venas el la angla "Out of Character", kiu signifas ke vi parolas "eksterrole", t.e. kiel ludanto, ne kiel rolulo).

• Montru emociojn bonstile

  Memoru ankaŭ ke komunikado en Kantr ne estas tuja. Pro tio, ridetsimbolojn (kiel ":)" ) kaj mallongigojn (kiel "lol") oni ĝenerale malŝatas. Ne estas urĝeco, do kial ne uzu plenajn vortojn aŭ eĉ frazojn? Se vi volas eksprimi agon aŭ geston^[en], anstataŭ vortojn, kutime oni enfermas la agon de steletoj. (Ekzemple, "Saluton. *ridetas*" aŭ, se vi renkontas alilingvanon, "Saluton. *smiles*". Estas multlingva listo de tiaj eksprimoj ĉi tie.). Samkiel ĉion, oni povas trouzi tion.

Traktante objektojn

Kiam vi alklakas "Objektojn" vi eniras ls objektopaĝon^[en], kie vi vidos ĉiujn objektojn kiuj kuŝas surgrunde. Ĉiuj homoj ĉe tiu loko ankaŭ povas vidi tiujn objektojn.

Vi povas legi tieajn notojn, alklakante la okulobutonon:

http://www.cantr.net/graphics/cantr/pictures/button_small_read.gif

Lokaj leĝoj

Oni forte konsilas ke vi legu notojn surgrundajn, antaŭ ol farante ion plu ĉe tiu loko. Ofte inter ĉi tiuj notoj estas leĝaro aŭ regularo kiun oni estigis por tiu regio, kaj en kelkaj lokoj oni traktos vin severe se vi ignoras tiujn leĝoj. Leĝoj povus ekzisti pri ĉu ĉasado estas permesata, ĉu vi povas rekolti vian propran manĝaĵon aŭ rimedojn, ĉu vi povas flustri al aliuloj, ĉu estas permesate ke vi foriru la urbon, ktp. - leĝoj povas ekzisti pri iu ebla konduto. Tiujn leĝojn difinas ne la ludodesegnisto, sed la roluloj ĉe tiu loko. Via rolulo dekomence estas tre vundebla - li aŭ ŝi havas nenian manĝaĵon, neniajn vestaĵojn, neniajn armilojn - do la agoj kaj elektoj kiujn via rolulo faras ege influos lian aŭ ŝian nuntempan kaj estontan vivon!

Malsame ol konvencioj en multaj aliaj ludoj, objektoj surgrundaj ne nepre estas haveblaj de iu ajn kiu volas preni ilin. Objektoj povas esti sur la grundo portempe, por variaj kialoj, kaj la propruloj konsideros prenon de tiuj objektoj kiel ŝtelon. Simile, la fakto ke vi fizike povas eniri konstruaĵon ne signifas ke vi estos bonvenigata de ĝia proprulo. Redirite, certigu vin ke vi legu la regularon de ĉiu urbo.

Kopiado de notoj

Por kopii noton^[en], alklaku la kopibutonon:

http://www.cantr.net/graphics/cantr/pictures/button_small_copy.gif

kiu aperas apud la nototitolo en la obektopaĝo. La kopio aperos en la inventaro de via rolulo. Vi povas ankaŭ kopii notojn, jam en via inventaro, uzante la similan butooen tie. Kvankam nuntempe ne eblas detrui notojn, do la sola metodo forigi noton, estas meti ĝin en koverton aŭ faligi ĝin. Notoj povas esti neredakteblaj, kaj ĉiu kopio de tiaj notoj ankaŭ estos neredaktebla. Normalajn notojn oni povas redakti, purigi kaj reuzi sen limigoj.

Kiel preni aĵojn

Vi vidos sagobutonojn apud la priskriboj de objektoj surgrundaj. Logike la suprensago

http://www.cantr.net/graphics/cantr/pictures/button_small_take.gif

signifas "prenu tiun objekton". Kiam vi alklakas ĝin, la objekto transmoviĝos en la inventaron^[en] de via rolulo. Se la objekto estas rimedo (kiel spinaĉo, terpomoj, ktp) vi ankaŭ devas precizigi kiom da gramoj vi volas preni. Kvankam, rimarku ke nur ĉar io kuŝas surgrunde, ĝi ne nepre estas forlasita. Ĝenerale estas saĝe demandi, ĉu estas konsentite antaŭ ol vi prenas ion, aŭ via rolulo riskas akuzon de ŝtelado. Eĉ preno de noto povus esti konsiderata kiel ŝtelado, se ĝi estas la lasta kopio, ĉar tiam aliulojn ne povas vidi ĝin.

Por faligi ion el via inventaro, alklaku la subensagon:

http://www.cantr.net/graphics/cantr/pictures/button_small_drop.gif

Manĝaĵo

Via plej grava zorgo, dekomence, estas manĝaĵo. En kelkaj lokoj, vi mem libere povas rikolti ĝin. Simple iru al la lokopaĝo^[en], kaj alklaku la bildsimbolon apud ia ajn manĝebla rimedo^[en] en tiu loko. Rikoltinte iom da manĝaĵo, via rolulu aŭtomate manĝos^[en], se la manĝaĵo ne bezonas kuiradon aŭ antaŭpretigadon. Kelkaj manĝaĵoj estas nur resanigaj kaj ne povas esti uzataj por ĉiutaga nutrado. Tamen, kiel dirite, unue legu la notojn surgrundajn! En kelkaj lokoj, rikoltado de manĝaĵo por vi mem estas malpermesata aŭ limigata, ĉar la nombro da homoj kiuj povas rikolti rimedojn samtempe ankaŭ estas pronature limigata. Kelkaj lokoj ankaŭ havas libere haveblan manĝaĵon por novuloj, aŭ specialajn laborprogramojn por ili. Sciigu vin pri tio unue se vi volas ke via rolulo evitu malliberejon aŭ eĉ per-homamasan ekzekuton.

Tio devus helpi vin eviti desaponton, kiam via rolulo estas tuje malliberigata aŭ mortigata pro malobeo de la leĝo. Pro ke ne ekzistas speciala protektado por la roluloj de novaj ludantoj de Kantr, vi eble volus ke via rolulo estu iom singardema, unuatempe.

Aldonaj informofontoj

Por helpa informo pri kiel krei bonan Kantran rolulon, legu tiun retgazeta artikolon pri Disvolvigado de roluloj^[en]. Ankaŭ nepre kontrolu la paĝon pri simpligitaj bazreguloj^[en] por ludi Kantron. Por lerni pli pri butonoj kaj teknikaj aspektoj de la ludo, kontrolu tiun paĝon kiu priskribas la bazan ludan mekanikon^[en] (inkluzive de la interfacogvido^[en]), kaj tekston pri la dinamiko^[en] de la ludo, kiu klarigos al vi la bazan ideon pri kiel ludi.

Finfine, ne forgesu kontroli la forumon^[en], kaj ĝia esperantan sekcion. La forumo estas la kerno de la komunumo de Kantroludantoj, kaj tie vi povas trovi ĉian helpon kiun vi bezonas, kiam partoj de la ludo ne estas klaraj al vi.

Esperante ke tiu helpos viajn rolulojn travivi la unuajn kelkajn tagojn, kiuj estas iom malfacilaj, sed post kiuj vi estos plejeble fascinita de la (preskaŭ) senlimaj eblecoj de la vivoj de viaj roluloj en Kantr! Ĝojiĝu!